.

.

ژه‌هر

شیعری..هێمن

22-8-2007

ئیسلام ژه‌هرێكه‌ ده‌ردی كارییه‌

چاك بوونی نییه‌ ، درم و سارییه

هه‌ر كه‌سێ گرتی كاسه‌و ووڕه‌و گێژ

عاشق به‌وه‌همه‌و ماچی به‌رده‌نوێژ

ئه‌م دونیا له‌لای ژینێ مردووه

بۆ دونیای خه‌یاڵ خۆی هه‌ڵگرتووه

لێره‌ عیباده‌ت سه‌ر شۆڕ ملكه‌چی

لای و ایه‌ به‌وه‌ بۆ ئه‌ولا ئه‌چی

له‌ملا پابه‌ندی یاسای درۆی ڕه‌ش

له‌لوتكه‌ی چه‌ژی ئاره‌زوو بێ به‌ش

خه‌یاڵی به‌هه‌شت حۆری و ڕابوواردن

به‌فتوای مه‌لا له‌خشته‌بردن

دونیای پڕمه‌یی و سه‌رخۆشی و خه‌یاڵ

دونیای ئافره‌ت و ماچ ، شووشه‌ی به‌تاڵ

ئه‌مانه‌بیرو خه‌یاڵ گوزه‌رن

بێهۆش و سستی دڵ، كاسه‌ی سه‌رن

جۆگه‌ی شه‌راب و ئافره‌تی جوان جوان

ژیانی به‌بێ ده‌ردو خه‌م و ژان

له‌كوێ هه‌ن گه‌وجه‌ئه‌گه‌ر بیزانی

بێجگه‌له‌خه‌یاڵ درۆی قورئانی

٢

كاتێ كه‌مردی له‌دوات به‌بێ ئێش

به‌جێ ده‌مێنێ مشتێ خۆڵه‌مێش

له‌جاو ده‌پێچرێی به‌بێ دروومان

كه‌لله‌ت ده‌بێته‌جێ و مه‌كۆی كرمان

له‌م ژینه‌ی كه‌وا زوو ئه‌بڕێته‌وه‌

هه‌وڵ ده‌ پۆشته‌ بڕازێیته‌وه

ئه‌وه‌ی كه‌نه‌ت بوو له‌ده‌ستت چووه

ڕابووردووش ئه‌مڕۆی بۆت جێهێشتووه

واز بێنه‌كاڵفام له‌م به‌ندو باوه

خه‌یاڵی به‌هه‌شت بڵقی سه‌رئاوه

له‌جێ ی ئه‌و ژه‌هره‌ بنۆشه‌شه‌راب

هه‌ی سه‌رگه‌ردانی ماڵ خانه‌خه‌راب